HABAKUK
Thuhma
Habakuk lekhabu hi Thuthlung Hlui Baibul ei hmang laia bu sawmthum pangana, bung 3 le chang 56-a sei, Zawlnei Habakuk-in 612-588 B.C inkâr vèla a ziek a nih.
Babulon chu a hung ropui deu deu a, a khing hnê ding an um ta naw a. Hieng mi tawrot takhai kut hi Judai ram chungah a tla ding a nih ti Habakukin a hmu chun a lung a na hle a. Anni chu dodâl loa Pathien a to zing el chu maktiin, zawna tam tak indonin, Pathien a suosal a (1:12-17). Pathien chun ama hun ruotah a che chauh ding a ni thu a hril bakah “mi fel chu a ringnain hring a tih” (2:4) tiin a don a nih.
A dang po chu mi suolhai chunga sietna hung tlung ding hril lawkna thu a ni a, a tawpah Pathien ropuizie inpâkin, amaa ringna le beiseina a’n nghat tlat thuin a khâr.
A thu tlangpuihai
Habakuk zawna le Pathien donna (1:1-2:4)
Mi suolhai siet tuok ding thu (2:5-20)
Habakuk trongtraina (3:1-19)