Davida kuoma LALPA thuthlung
Tung pan hla.
132
1 Davida hre zing rawh, LALPA,A rinum tuorhai po po khom.
2 LALPA kuomah thu a’n khăm a,
Jakob Mi Hrat ngei kuoma khan:
3 “Ka inah inlăwi nawng ka ta,
Ka khuma khom kai bok naw ning;
4 Ka mit hrim insim nawng ka ta,
Zanmu khom tuo hrim hrim naw ning,
5 Jakob Mi Hrat LALPA chĕngna
Hmun ding ka hmù hmâ khat chu” ti’n.
6 Ngai ta, Efratha-ah kan hriet a,
Jaâr phûlah kan va hmu tah.a
7 “A umnaah chun feng ei ta,
A ke bulah chawibiek ei tiu!”.
8 Aw LALPA, tuhin hung tho la,
I chawlna dinga chun hung rawh,
I thilthawtheina Bawm le chun.
9 I thiempuhaiin silfĕnah,
Indikna thuom inbel hai sien,
I mi thienghlimhai chun lawmin,
Hlimna hla mawi rem raw hai se.
10 I siehlaw Davida zarin,
I hriek năl hi hnâwl lul naw rawh.
11 David kuomah LALPA a’n khâm,
A thu chu sût ta ngai naw nih:
“I thlăhai laia pakhatin,
I lalthrungpha hung hluong a tih-
12 I nauhan ka thuthlung le dàn,
Ka’n chuktirhai an zâwm phot chun;
An nauhan hung hluo pei an ta,
Kumkhuon inlal an tih” a tih.
13 LALPAN Zion tlang a thlang a,
A chĕngna hmun di’n a dit a:
14 “Hi hi ka kumkhaw chawlna ding,
Chĕng zingna dinga ka dit chu.
15 Fak le dawnah malsawm ka ta,
Pasiehai khom hrâi tlai ka tih.
16 A thiempuhai chun silfenah,
Sandamna thuom inbel an ta,
A mi thienghlimhai chun lawmin,
Hlimna hla mawi chu rem an tih.
17 Chutaka chun Davida ta di’n,
Kí hung indawn suoktir ka ta,
Ka hriek năl ta dingin khawnvar,b
Chu taka chun inthrut ka tih.
18 A hmêlmahai chu sukzakin,
Muolphonan inthuomtir ka ta,
Ama khum lallukhum ruok chu,
Suktlepêk zing ka tih” a tih.