Hmêlma intlăwm dinga hnǐna
Tung pan hla.
129
1 Israel chun hieng hin ti sien-Ka tleirawl lai a’nthokin,
An mi va sukrimsi de!
2 An mi soisak hlea chu,
An mi tukdol thei si nawh.
3 Leilettu changkuong angin,
Ka hnungzâng an rǐtna chu,
A ser an thlŭr seng sung a.
4 LALPA ruok chu a’n dik a,
Mi suolhai mi khuopna hruol,
Sât tanin a mi’n suo a.
5 Zion theidatuhai chu,
Muolphoin kîr raw hai se.
6 A’n thrang lien hmaa vuoi hlak,
In chunga hlo tro ang hin,
An rêngin um vong raw se.
7 Chuong ang chu bu siktuin,
A sîk khăwm ngâi dĕr naw a,
Buphal intêltu khomin,
An tĕl sa ngai hrim hrim nawh.
8 A bula inlonhaiin,
“LALPAN malsawm sienla cheu,
A hmingin mal kan sawm cheu”
Ti ngai hrim hrim naw raw se.