Muongna khawpui: Jerusalem
Tung pan hla.
Davida ta.
122
1 “LALPA inah feng ei tiu khai”Tia an mi fiel pha ka hlim.
2 Jerusalem, i kul sungah,
Kè ngeiin kan ngîr ve ta hi!
3 Jerusalem chu khawpui nghet,
Bubit taka indin a na;
4 Chu chun hnamhai khuoi ang an kai,
LALPA hnam Israelhai chu,
Dàn thu a pĕk tawl ang ngei a,
LALPA hming hang inpàk dingin.
5 Chu chun a nih David thlahan,
Rorêlna thrungpha an indin.
6 Jerusalem khawpui ta di’n,
Remna le muongna hnipêk ro:
“A dittu che chu hmuingìl sien;
7 I sûngah remna inlêng sien,
I kulbǐng sŭng muong raw se” ti’n.
8 Ka unau le ruolhai leiin,
“I sŭngah muongna tlung raw se”
Kei khomin ka lo ti ve a.
9 LALPA Pathien chêngna a na,
I thratna ding zong pei ka tih.