2 LALHAI
Thuhma
Lalhai Pahnina hi Thuthlung Hlui Baibul ei hmang laia bu sawmpahnina, bung 25 le chang 719 a sei, Zawlnei Jeremia ziek ni dinga ngai a nih. Lalhai Pakhatna sunzomna a nih.
Hi lekhabu hi buk hnia thrè thei a nih. (1) Hmar tieng lalram, Israel lalram tia ko chun an khawpuiah Samaria an hmang a, chu lalram chu 721 B.C khan a tlu ram a, Israel hnam sawmhai khom an bo song tah a nih. (2) Judai lalram chun khawpuiah Jerusalem a hmang a, chu lalram chu 586 B.C khan Babulon lal Nebukadnezzar chun a hung rùn a, Jerusalem a suksiet a, an lal le mipui tam tak chu Babulon tieng salah a thruoi hmang a. Hi lekhabu hi Babulon sorkar hnuoia thok Judai rama larsap Gedalia ripawt le Babulon lung ina inthoka Juda lal Jehoiachin an insuo thuin a tawp.
Israel hnam chunga sietna rûnpui a tlung hi Pathien laka an ringum naw lei a nih. Hi hun hi Israelhai histawri kumkhuoa thlak danglamtu a nih. Hi hun laia zawlnei inlar chu Elija thlaktu Elisa a nih.
A thu tlângpui
Lalram a koi dar thu (1:1-17:41)
Zawlnei Elisa le Lal Ahazia (1:1-8:15)
Juda lal le Israel lalhai (8:16-17:4)
Samaria tlŭkna (17:5-41)
Judai lalram chanchin (18:1-24:20)
Hezekia-a inthoka Josia chen (18:1-21:26)
Josia inlal hun (22:1-23:30)
Juda lal nuhnung takhai (23:31-24:20)
Jerusalem tlŭk sietna (25:1-30)