Hmar Baibul (Delhi Version) app version (1.0.3) thar tak chu Google Play-ah download thei dinga sie thar a lo ni nawk tah. Hi Baibul app la nei lo hai chun ah download thei zing a nih.
Hi Baibul app nei tah, la update lo hai khomin website link ei hung inchuona khin fein Update ti hmet el ding a nih.
App version thar taka hin kum khat sunga ni tina chang thlang bik (verse of the day) inchuon a ni a, chuong changhai chu ni tin app notification-in a hung inlang zie ding a nih. Notification inlang hun ding le dar hai chu Settings a’nthokin mani-a siem thei a nih.
“Verse of the Day” feature baka hin ni tina Baibul ei tiem nuom hun darkar hai khom siem thei a ni boka. Buoi changa Baibul tiem ding theinghil chang thil um thei a ni leiin, hi feature hmang hin ni tin ei Baibul tiem ding ami hrilhriet zie thei ding a nih.
Mobile app baka hin Hmar Bible (Delhi Version) web version khom siem a ni a, computer a’nthok amani ieng mobile phone a’nthok khomin browser hmanga tiem thei dinga sie a ni bok:
https://www.hmarbible.com/web/
Baibul app hmangtuhai Pathienin malsawm raw se cheu.
1 Comment
Lawm a um taluo