8 January, 2025: Hun iemani chen kha buoina dang dang leiin Baibul App (Delhi Version) update thei loin a um a. Google Playstore a’nthok khomin an lo pei hmang hiel leiin Baibul App install thar nuom haiin download thei loin an um pha a, poi ei ti takzet.
Thrang la thar nawkin, tuhin Playstore a khom download thei dinga sie nawk a ni tah. A hnuoia link a inthok khu’n download thei a nih:
1) https://play.google.com/store/apps/details?id=com.hmarbible.hmar.baibul
2) https://www.hmarbible.com/download
Baibul App (Delhi Version) update thar tak a hin feature thar – Bible Study Plan – ti chu belsa a nih. Tuta truma dingin ‘plan’ pahnih inchuon a ni a. Chuonghai chu “Nitin Nun Chawmtu” le “Ngaidamna le Inremna” ti a nih.
A hmasalem a hin nitin a tiem ding Thuthlung Hlui, Thuthlung Thar, Sâm le Thuvarhai a mi bung le châng thlangsuok hai a um a, chuong hai chu nitin ei tiem chun kum khat sûngin Baibul pumpui ei tiem suok zo ding a nih.
A pahnina a hin Pathienin ei suol a mi ngaidam dân hriet theina le inngaidam tuoa inrem dân ding m’nchuktirtu ding bung la châng inchuon ani bok. Hma tieng peia App ei hung update a hai khom thupui dang dang ei hung inchuon pei tum a nih.
iPhone le computer hmang hai ta dingin a hranin App siem a ninaw a. Amiruokchu, Baibul Web App hmanga tiem thei dinga sie a nih. Baibul Web App hi internet a umnaw khomin tiem thei zing a nih. A install dân hai chu a hnuoia ang hin:
iPhone-a install/bookmark dân:
- Safari browser hmangin www.hmarbible.com/web-app a fe a.
- Screen hnuoi tienga ‘share icon‘ hmet a.
- “Add to Home Screen” ti inziek hmet nawk ding a nih.
- Home Screen-ah Baibul App icon hung um a ta, ei tiem nuom phât chu chu hmet el ding a nih.
Macbook-a install dân:
- Safari browser hmangin www.hmarbible.com/web-app a fe a.
- Browser chungtienga toolbar a ‘share icon‘ hmet a.
- “Add to Dock” ti inziek hmet a, “Add” button kha hmet nawk ding a nih.
- Launchpad le Dock a hai Baibul icon hung inlang el a tih.
Windows-a install dân:
- Chrome browser honga, www.hmarbible.com/web-app a fe a.
- Browser chungtieng sir taka a sukzawnga dot pathum um (…) kha hmet a, “Cast, save and share” ti a khan fe a, “Install page as app” ti kha hmet a, “Install” button kha hmet el ding a nih.
Update thar a um nawk hunah, user account siem thei dân ding sie tum a nih. Phone dang annawleh phone thar a’nthok ei user account hmangin ei login chun Baibul châng ei bookmark, highlight le notes ei siem hai kha ei hmu thei zing ding a nih.